خش بقلب طفل اكيد اكيد هتضحك

استضافوا واحد صعيدي في برنامج الكاميرا في الملعب سألوه بتشجع مين قالهم المقاولين
العرب قالوله بتحب مين في المقاولين العرب قالهم الجماعة بتوع المحارة

ولد بيقول بابا بابا هات اتنين جنيه اروح عند محمدين صحبى رد عليه ابوة وقال له لا خد جنيه وروح عند محمد صحبك

مره واحد بيسال واحد معاك جنيه قاله بص

روح موقف الاتوبيسات هتلاقي 6اتوبيسات واقفين اركب اول اتوبيس هتنزل هتلاقي مترو اركب المترو انزل تالت محطه هتلاقي 4ميكروباصات اركب اول ميكروباص انزل هتلاقي 3شوارع ادخل في الشارع الاول هتلاقي 8عمارات ادخل في العماره الرابعه هتلاقي 6ادوار اطلع الدور الخامس هتلاقي 4شقق ادخل الشقه الاولي هتلاقي 3اوض ادخل الاوضه التانيه هتلاقي دولاب فيه 4درف افتح الدرفه الاولي هتلاقي مصحف هاته علشان احلفلك اني معييش

واحد صعيدي نزل محطة مصر لقى بتاع الأنابيب بيخبط عليها، قال له
افتحلي واحدة ساقعة لو سمحت

مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه
الكوابيس دى بتجيلك

واحد واقف أمام محل عصير ومعهوش غير 25قرش قال اشرب عصير ولا اركب الأوتوبيس لو ركبت الأوتوبيس يا هقف يا هقعد، لو وقفت مش مشكله لو قعدت هقعد جنب راجل أو ست، لو, راجل مش مشكله لوست يا هتبقي حلوه أو وحشه، لو وحشه مش مشكله لو حلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن.

دكتور مجانين اخد المجانين بتوعه ووداهم البحر قال يمكن حد مع جمال الطبيعة ربنا يشفيه المجانين وهما فى البحر الى بيلعب فى الراملة بالجاروف والى بيلعب بالجردل لقى واحد منهم قاعد تحت شمسية وبيبص للبحر ومش بيلعب سأله انت مش بتلعب ليه معاهم قالوا دول مجانين شوف بيعملوا ايه قال الحمد لله ربنا شفا واحد منهم قالوا انت بتبص للبحر ليه كده قالوه بتخيل لو البحر ده كله ملوخية هيكفوه عيش منين

واحد فشار بيحكي مغامراته لصاحبه الغلس
الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرة في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟
الغلس : يا كداب هو في اسد في الصحرةِ

حشاش بيقول لصاحبه:
انا حلمت امبارح أننا بقينا فنانين .. أنت فنان تشكيلي ..... وأنا فنان أشكيلك

من يريد اي موضوع يراسلني ويقول ما يريده وهذا يميلي
abo_yasmin81@yahoo.com

_________________
مع تحياتى لكم

سفير الرومانسيه